Diskusija wokrjesneje šulerskeje rady mnohe problemy worała

Budyšin (SN/MG). Je krótko po dwěmaj, jako so podiumowa diskusija wokrjesneje šulerskeje rady zakónči. Něhdźe dwě hodźinje běchu so kandidatki a kandidaća Zelenych, Lěwicy, FDP, SPD, CDU, BSW a Swobodnych wolerjow přez tři wulke temowe ćežišća bědźili. Hłowny aspekt, pod kotrymž bě předsyda wokrjesneje šulerskeje rady Jan Kliman přeprosył, bě kubłanska politika. Krótkodobnje běchu diskusiju na žurlu měšćanskeje rady přesunyli, dokelž njebě hewak nihdźe ruma, praji Kliman na kóncu zarjadowanja.