30. jubilej nošerstwa kubłanišćow z wulkim swjedźenjom woswjećili

Pančicy-Kukow (SN/MiR). Dnja 9. nowembra 1989, staj tehdyši Njebjelčanski wosadny farar Michał Brězan a měšćanosta Bad Honnefa Werner Osterbrink ideju za dźensniši Křesćansko-socialny kubłanski skutk Miłoćicy tworiłoj. W zežiwjenskim a zelowym centrumje klóštra Marijina hwězda w Pančicach-Kukowje swjećeše CSB wčera 30. jubilej nošerstwa kubłanišćow. Dźensniši jednaćel CSB Marko Kliman a zamołwity za pěstowarnje Ronny Škoda skedźbništaj hladajo na skutkowanje zarjadnišća na njepřitomneho dołholětneho jednaćela Petera Neunerta. Dale wonaj, serbsce a němsce rozprawještaj, zo bě CSB 1. julija 1994 nošerstwo pěstowarnjow w Pančicach-Kukowje, Wotrowje, Njebjelčicach, Chrósćicach, Pěskecach, Ralbicach a Smjerdźacej přewzał. Pozdźišo dyrbjachu někotre nošerstwa, njedosahaceje ličby dźěći dla, zaso wotedać. Dźensa maja w swojej zamołwitosći jědnaće kubłanišćow, w kotrychž so 170 kubłarkow a kubłarjow wo nimale 1 500 dźěći stara.