Wukrančicy (SN/CoR). Bohosłužbu wosebiteho razu je sobotu Wukrančanska wosada Swjateje Trojicy tamnišeje samostatneje ewangelsko-lutherskeje cyrkwje dožiwiła: złoty kwas mandźelskeju Raymonda a Sandry Matthijetzec z Texasa. Wosadny farar Benjamin Rehr a superintendent Jan Malink swjećeštaj hromadźe z něhdźe 60 přitomnymi trojorěčne kemše w němčinje, jendźelšćinje a serbšćinje. Synaj Michael a Scott běštaj staršeju-złoteju jubilarow druhi raz na jězbu do kraja jeju předchadnikow přewodźałoj. Hižo lětdźesatki pěstuja Matthijetzecy intensiwne styki z Łužicu. Tež Wukrančanska wosada jako maćerna cyrkej wot Jana Kiliana w Texasu załoženeje ewangelsko-lutherskeje cyrkwje haji prawidłowny kontakt k tamnišim wěriwym. Mjez hosćimi běchu tež mnozy Serbja.