Wustawki znowa wobzamknyli poručenje

štwórtk, 30. julija 2015
artikl hódnoćić
(0 )

Kulowska měšćanska rada wopłóčki hač do 2017 kalkulowała

Kulow (AK/SN). Znowa zrjadowane su jasne a zwjazowace postajenja za wopłóčki w měsće Kulowje a jeho wjesnych dźělach. Měšćanska rada bě so k tomu na zašłym posedźenju wuznała. Z jednym napřećiwnym hłosom, a to Michała Krječmarja z Dubrjenka (Powšitkowne wobydlerske zastupnistwo), su radźićeljo nowospisane wustawki za centralnu wodočisćensku připrawu w Kulowje schwalili. Nimo toho přihłosowachu wustawkam hatneje wodočisćenskeje připrawy w Koćinje. Dale su Kulowscy zapósłancy popłatkowe wustawki za dźělnu městnu kanalizaciju a wustawki wo decentralnym wotstronjowanju fekalneho błóta z małych čisćenskich připrawow a wo wopłóčkach z bjezwottokowych jamow wobzamknyli. Wšitke wustawki płaća wróćo sahajo wot 1. januara 2015.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND