Dobry časowy prud stawiznow

póndźela, 21. septembera 2015
artikl hódnoćić
(0 )
Časowy prud wo 600lětnych stawiznach Łuha zestajała je hłownje studentka architektury na Drježdźanskej techniskej uniwersiće Julia Kretschmar ze wsy. Přehladku wo zańdźenosći dwurěčneje wsy wobhladachu sej sta wjesnjanow a hosći ju bileja minjeny pjatk a sobotu.  Foto: Manfred Laduš Časowy prud wo 600lětnych stawiznach Łuha zestajała je hłownje studentka architektury na Drježdźanskej techniskej uniwersiće Julia Kretschmar ze wsy. Přehladku wo zańdźenosći dwurěčneje wsy wobhladachu sej sta wjesnjanow a hosći ju bileja minjeny pjatk a sobotu. Foto: Manfred Laduš

Łuh 600. róčnicu wobstaća wulce swjećił

Łuh (ML/SN). Wjace hač 200 zajimcow dožiwi minjeny pjatk wječor pokazku na zańdźenosć­ Łuha, z kotrejž zahaji so swjedźeń k 600. róčnicy prěnjeho naspomnjenja dwurěčneje wsy w Njeswačanskej gmejnje. Studentka architektury na Drježdźanskej techniskej uniwersiće Julia Kretschmar ze wsy bě tak mjeno­wany časowy prud zdźěłała, z kotrymž předstaja na pjećapoł metra pło­niny wažne etapy a podawki stawiznow.

We wopismje z lěta 1415 wobkrući ryćer Kašpor von Luttitz ze Zdźěrje, zo přewostaji wón Budyskemu tachantstwu poł hriwny danje, kotruž měješe jemu bur z Lugka/Łuha płaćić. To je zdobom prěnje pisomne naspomnjenje wsy. Serbski pochad a wuznam wjesneho mjena kaž tež zasydlenje Serbow so na spočatku časoweho pruda jewja. Hakle 1550 mějachu we Łuze knježi dwór zemjana. Mjez jednotliwymi knježkami a wobsydnikami wsy bě tež w 19. lětstotku Serbam derje zmysleny baron Egon Heinrich Gustav von Schönberg, spěchowar serbskeho pismowstwa a čłon Serbskeho lutherskeho knihowneho towarstwa.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND