Fota přehladki we Łazkowskim lěsu nastali

wutora, 13. oktobera 2015
artikl hódnoćić
(0 )
Reinhold Grottker wustaja tuchwilu w Slepjanskim Serbskim kulturnym centrumje fotografije žadnych rostlin. Foto:  Jost Schmidtchen Reinhold Grottker wustaja tuchwilu w Slepjanskim Serbskim kulturnym centrumje fotografije žadnych rostlin. Foto: Jost Schmidtchen

Slepo (JoS/SN). Hesło najnowšeje wustajeńcy w Slepjanskim Serbskim kulturnym centrumje (SKC) drje je trochu zamylace, hewak by minjeny pjatk wjace ludźi na jeje wotewrjenje přišło. Pře­hladka „Domjace nalětnje kwětki“ pak njepokazuje wosrjedź nazymy tulpy a fijałki, kotrež móže kóždy sam doma w swojej zahrodce fotografować. Reinhold Grottker je na 35 wulkoformatowych fotografijach­ zapopadnył žadne kwětki kaž dźewjaz (Pestwurz), łučnu žerchwicu­ (Wiesenschaumkraut) a jatronku (Le­berblümchen). Dźakowano wo­sebitym objektiwam skutkuja wone runjewon hoberske. Najwjetši dźěl wobrazow nasta we Łazkowskim lěsu, tamne wokoło Łaza­, Wojerec, Slepoho a při Bjerwałdskim jězoru. Zo maja fota w dwurěčnej kónčinje nastać, bě Wulkoždźarowskemu twarskemu předewzaćelej wažne, dokelž čuje so wón z regionom zwjazany. Ně­kotre rostliny je we wšelakich časach dnja fotografował, štož wunjese na za­jimawe wašnje rozdźělne barby.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND