Njeswačidło (ML/SN). To so woči błyšća, hdyž so dźěći po sobotu wotewrjenej hodownej wustajeńcy Njeswačanskeho domizniskeho muzeja rozhladuja. „Drjewjane hrajki z NDR“ je hesło 32. wosebiteje přehladki, kotraž pokazuje wjace hač 120 eksponatow zběrki tajkich hrajkow Budyskeho rentnarja Uwe Wolframa. 1944 w Žitawje rodźeny wukubłany elektromechanikar a wobdźěłar datow bě so po wjele lětach dźěła w Badensko-Württembergskej 2004 do domizny wróćił.