Zahoriće a kreatiwnje dźiwadźelili

wutora, 12. julija 2016
artikl hódnoćić
(0 )
Intendant Peter Siebecke (naprawo) je so dźiwadźelnikam a dalšim pomocnikam dźakował.  Foto: Andreas Kirschke Intendant Peter Siebecke (naprawo) je so dźiwadźelnikam a dalšim pomocnikam dźakował. Foto: Andreas Kirschke

9 000 ludźi je cyłkownje 15 předstajenjow lětušich Krabatowych swjedźenskich hrow widźało. Sobotu su so lajskim hrajerjam, ale tež wšitkim dalšim pomocnikam dźakowali.

Čorny Chołmc (AK/SN). We Wojerowskej serbskej dźěłanskej drasće poskićowaštej Heidi a Edith Grögerec na Krabatowych swjedźenskich hrach bowlu a lód, rumowaštej sudobjo a wotpadki. „Tajke čestnohamtske dźěło skruća zhromadnosć“, rjeknyštej wonej sobotu na dźaknym zarjadowanju­. Wonej słušeštej k tym, kotřiž su so lětsa za Krabatowe swje­dźenske dny angažowali.

9 000 ludźi je 15 předstajenjow widźało. A woni njeběchu jeno z Němskeje, ale tež ze Šwicarskeje, Awstriskeje a samo z Norwegskeje. „Naše hesło wot wšeho spočatka bě, zo wjes dźiwadło hraje“, rjekny intendant Peter Siebecke minjenu sobotu. „Tole chcemy tež dale wobkedźbować.“ Wosom powołanskim dźiwadźelnikam poboku bě 85 lajkow. Pjatnaćo z nich mějachu wjetše abo mjeńše pasaže­ rěčeć. Zasadźenych bě dalšich 40 pomocnikow, kotřiž poskićachu napoje a jědźe, starachu so wo porjad na parkowanišću abo mazachu pomazki.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND