Z Krabatom do přichoda

pjatk, 12. awgusta 2016
artikl hódnoćić
(0 )
Na wjacorych zetkanjach w juniju zaběrachu so młodostni ze wšelakimi wuměłskimi technikami, kotrež móža za tydźeń nałožować.  Foto: Rejzka Wałdźic Na wjacorych zetkanjach w juniju zaběrachu so młodostni ze wšelakimi wuměłskimi technikami, kotrež móža za tydźeń nałožować. Foto: Rejzka Wałdźic

Budyšin (SN). Domowina jako třěšny Zwjazk Serbow přewjedźe lětsa interkulturny projekt „Krabat between us“ (Krabat mjez nami), a to w Budyskim Kamjentnym domje.

Po přihotowanskich dnjach w juniju čaka na młodostnych wot 14 lět nětko takrjec wjeršk projekta, poprawna grafitijowa dźěłarnička wot 19. do 21. awgusta. Potom móža wobdźělnicy swoje znajomosće z barbowej tyzu, airbrushom abo ze specielnymi pisakami wuspytać a so na wulke sćěny zwažić.

W běhu mjenowaneho kónca tydźenja dojědu sej młodostni mjez druhim do Drježdźanskeho noweho města, zo bychu so z načasnej scenu wuměłskeje družiny street art zeznajomili. Na zhromadnym interkulturnym wječorku so při warjenju, spěwanju a rejwanju rozdźělne kultury předstaja a zeznaja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND