Wobstatk baćonow w biosferowym rezerwaće Hornjołužiska hola a haty dramatisce woteběra. Bě-li jich 1994 hišće 35 porow ptakow, zličichu w lěće 2010 dźesać, lětsa jenož wosom. Přičiny woteběraceje ličby su kompleksne.
Stróža/Budyšin (SN/BŠe). Negatiwny trend dale a mjenje baćonow w biosferowym rezerwaće Hornjołužiska hola a haty wostanje. Lětsa zwěsćichu sobudźěłaćerjo wosom baćonjacych porow, kotrež maja jeničce štyri młodźata. Na štyrjoch městnosćach su wone lehnišća sylnych spadkow a njewjedrow dla wopušćili.
