Dróhotwar w Delanach

wutora, 25. oktobera 2016
artikl hódnoćić
(0 )
Z lipami a kerkami na kromje skići ponowjena dróha pola Sernjan nětko přijomniši napohlad.  Foto: Jan Kral Z lipami a kerkami na kromje skići ponowjena dróha pola Sernjan nětko přijomniši napohlad. Foto: Jan Kral

Spěchowanske srědki rozsudźeja, hač změja klětu dalše twarnišća

Róžant (JK/SN). Dźakowano spěchowanskim srědkam po zakonju wo zesylnjenju inwesticiskeje mocy su tež w gmejnje Ralbicy-Róžant někotre dawno hižo potrěbne wotrězki gmejnskich dróhow ponowić móhli. Tak su so w Sernjanach wobydlerjo dróhi Při Hórce skónčnje asfaltoweho­ pokrywa dočakali. Zakład a spódk za to běchu před lětami hižo sami spřihotowali. Trěbne přepytowanje spódka wunjese, zo je dosć dobry a zo hodźi so powjerch asfaltować. Nadawk bě gmejnska rada na swojim posedźenju w awgusće přepodała firmje z Carneho Gozda (Schwarzheide). Minjeny tydźeń su dróhu při nowych jednoswójbnych domach asfaltowali. Nětko móža wobydlerjo swoje ležownosće ćim přijomnišo docpěć.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND