Gmejna Trjebin wojuje dale wo podpěru při wróćenju dawkow

Trjebin (AK/SN). Dokelž dyrbja wulku sumu přemysłoweho dawka wróćić, štož wuskutkuje napjate pjenježne połoženje, wojuje gmejna Trjebin dale wo zaměrnu přiražku Swobodneho stata Sakskeje. Tole­ wuzběhny wjesnjanostka Kerstin Antonius (Trjebinske wolerske zjednoćenstwo) na wčerawšim posedźenju gmejnskeje rady. „Najebać listy financnemu zarjadej a krajnej direkciji kaž tež wjacore rozmołwy ze zamołwitymi dotal žane připrajenje za přiražku nimamy. Za to­ mamy mało zrozumjenja“, rjekny wjesnjanostka.