Zwěrjenc podpěruje přirodoškitnu staciju

póndźela, 24. apryla 2017
artikl hódnoćić
(0 )
Pjenjezy z tohole darowanskeho lika přewostaji Wojerowski zwěrjenc přichodnje Njeswačanskej přirodoškitnej staciji.  Foto: Alan Denison Pjenjezy z tohole darowanskeho lika přewostaji Wojerowski zwěrjenc přichodnje Njeswačanskej přirodoškitnej staciji. Foto: Alan Denison

Wojerecy/Njeswačidło (SN). Z nazběranymi pjenjezami z darowanskeho lika w swojim tropowym domje podpěruje Wojerowski coo nětko Njeswačansku přirodoškitnu staciju. „Za nas jako zwěrjenc je škit družin a přirody najwažniši. Tohodla so wjeselimy, hdyž móžemy Njeswačansku přirodoškitnu staciju při jeje wulkotnym dźěle podpěrać“, praji coologiski nawoda zwěrjenca Eugène Bruins k nowemu partnerstwu z Njeswačanskimi přirodoškitarjemi.

Eugène Bruins je fachowc za amfibije a reptilije. Z dźěłom přirodoškitneje stacije a jeje towarstwa je to wón njedawno bliže zeznajomił, jako pomhaše w Njeswačidle na kromje puća nazběrane krokawy­ přez puć k městnam jich njer­kanja nosyć. Dźěći, kotrež so we wobłuku swojeho prózdninskeho campa na akciji wobdźělichu, je Eugène Bruins minjene dny po Wojerowskim coowje wodźił a jim pokazał, kak so tam wo přirodoškit staraja. Dalše tajke kooperaciske předewzaća­ mjez zwěrjencom a staciju maja slědować.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND