Gmejnscy radźićeljo kalkulaciju za alternatiwnu wariantu wobzamknyli

Róžant (JK/SN). K wólbam zwjazkoweho sejma 24. septembra w Smjerdźacej žadyn wólbny lokal njezměja. Dokelž bě minjene lěta stajnje wobćežne namakać zwólniwych pomocnikow, je so gmejnska rada Ralbicy-Róžant na swojim wčerawšim posedźenju dojednała, zo móhli Smjerdźečenjo w Róžeńće wolić, Łazkowčenjo pak w Ralbicach. Přiwšěm změje gmejna přeco hišće štyri wólbne lokale, telko kaž žana druha serbska.