Koćina (UH/SN). Přijomne nalětnje wjedro je wčera wjele stow zajimcow na burske wiki w Koćinskim ratarskim zawodźe MKH, kotryž je tohorunja znaty jako Krabatowy mlokowy swět, přiwabiło. Kaž sy z awtowych čisłow na parkowanišću wučitał, bě tón abo tamny tež trochu dlěši puć na so wzał, zo móhł so po přehladce regionalnych poskićerjow a direktnych zwičnjerjow rozhladować. Bjez dźiwa, zo bě jednaćel Tobias Kockert runje tak spokojom­ kaž wjace hač 70 wikowarjow a rjemjeslnikow, kotřiž běchu z cyłeje Sakskeje přijěli. Najdlěši puć měješe žona ze Słowjenskeje, wabjaca za Krabatowe wudźěłki ze swojeje­ domizny.