Pěskecy (JK/SN). Hižo tójšto lět so Pěskečenjo swjatkowničku na swjedźenišću zetkawaja, zo bychu sej na zhromadnym kofeju wot hospozow napječene tykancy zesłodźeć dali. Wosebje młode swójby hižo krótko po wobjedźe přichwatachu, zo móhli dźěći poskitk hrajneho mobila Querxenland z Wodowych Hendrichec wužiwać. Sobudźěłaćerjo mobila zabawjachu dźěći w stanje, kotryž před dešćom a chłódnym wětřikom škitaše z molowanjom, paslenjom a ze šminkowanjom. Najmłódši móžachu sej wulki memory zestajeć a něšto wjetše dźěći wutrajnje­ na powětrowym hrodźe ska­kachu.