Poruča serbsku kwasnu jědź

štwórtk, 29. junija 2017
artikl hódnoćić
(0 )
Hosćenc „Dom młynka“ w Čornochołmčanskim Krabatowym młynje wita wotnětka lačnych a hłódnych. To zwjesela Dietera Kliemeka jako Čorneho młynka, sobudźěłaćerku Stefanie Werner a šefa Andreasa Vatera (wotlěwa).  Foto: Andreas Kirschke Hosćenc „Dom młynka“ w Čornochołmčanskim Krabatowym młynje wita wotnětka lačnych a hłódnych. To zwjesela Dietera Kliemeka jako Čorneho młynka, sobudźěłaćerku Stefanie Werner a šefa Andreasa Vatera (wotlěwa). Foto: Andreas Kirschke

Krabatowy młyn nětko z wobstajnym gastronomiskim zastaranjom

Čorny Chołmc (AK/SN). Přidatnje k předawanišću zakuskow maja w Čornochołmčanskim Krabatowym młynje wot dźensnišeho hosćenc „Dom młynka“. „Tak swój poskitk rozšěrjamy a reagujemy na přiběrace naprašowanja“, praji jednaćel Krabatoweho młyna Tobias Čižik. Gastronomiski nawoda a šef kuchnje je Andreas Vater. Ze swojimi sobudźěłaćerjemi wusměrja so 46lětny předewšěm na serbsku a regionalnu kuchnju.

W hosćencu je 50 městnow, runje telko maja na piwowej zahrodźe. „Dom młynka“ skutkuje originelny a přirodny. Za jeho twar wužiwachu cyhele a třěšne cyhele bywšeho Čornochołmčanskeho hosćenca „Kreuz“. Wojerowske zasta­ranske zawody financowachu tepjenje w špundowanju, tamniše socialne słužby přewostajichu tejku a kamory. Towarstwo Krabatoweho młyna je so tohorunja gratu přimało. Dohromady inwestowachu do hosćenca 250 000 eurow. Z toho bě 100 000 eurow dar załožby Łužiska jězorina.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND