Wjesna dróha a gmejnski dom na rjedźe

Róžant (aha/SN). Gmejnska rada Ralbicy-Róžant zaběraše so na swojim minjenym posedźenju z dalšim wutwarom wjesneje dróhi Při Klóšterskej wodźe we Łazku. Po tym zo běchu prěnjej wotrězkaj puća loni w oktobru wobnowili, je gmejna po stajenju próstwy wo spěchowanske srědki lětsa přez program „Invest Kraft – mosty do přichoda“ za wobnowjenje dalšich wotrězkow 105 000 eurow přizwolenych dóstała. To je 75 procentow předwidźanych cyłkownych wudawkow.