Překwapjenka při reparaturje

srjeda, 27. septembera 2017
artikl hódnoćić
(0 )

Pod dróhu w Chrósćicach rołu płatali a dalšu při tym namakali

Chrósćicy (JK/SN). Jako su njedawno dźěl Chróšćanskeje Hórnikoweje dróhi njedaloko parkowanišća při kěrchowje porjedźeli, so wukopa, zo leži pod skóncowanej rołu za dešćowu wodu, kotraž bě škodu na dróze zawiniła, porjadnje zapołožena a tohorunja dosć wulka roła za dešćowu wodu. Tu běchu pječa před 15 lětami w zwisku z wotwodźowanjom wopłóčkow do zemje połožili.

Kaž wjesnjanosta Marko Kliman (CDU) na naprašowanje gmejnskich radźićelow rozjasni, njebě znate, zo leži pod dróhu dalša a poměrnje wulka roła. Zapiski a podłožki za to­ žane njepředleža, dokelž zarjadniske dokumenty jeno dźesać lět składuja. Tuž bě to woprawdźe překwapjenka. Dešćowu wodu do nama­kaneje roły wotwodźeć pak móžno njebě. Město toho su skóncowany dźěl po dołhosći­ někotrych metrow wuměnili.

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND