Južnoamerisku domiznu předstajił

štwórtk, 28. septembera 2017
artikl hódnoćić
(0 )
Gerold Feige bě jedyn ze zajimcow, kotrymž je Yuri Lévano García (wotprawa) wčera  w Budyskej měšćanskej bibliotece swoju domiznu Peru předstajił.  Foto: Jonny Linke Gerold Feige bě jedyn ze zajimcow, kotrymž je Yuri Lévano García (wotprawa) wčera w Budyskej měšćanskej bibliotece swoju domiznu Peru předstajił. Foto: Jonny Linke

Budyšin (SK/SN). Južnoameriski kraj Peru spřistupni rodźeny Peručan Yuri Lévano García zajimcam na derje wopytanym přednošku, organizowanym wot Budyskeho kluba wuchowarjow rěče, w tudyšej měšćanskej bibliotece zawčerawšim jako krajinowu, rěčnu a kulturnu mnohotnosć. Yuri Lévano, wot najnowšeho městopředsyda Europskeho kluba Budyšin, wobknježi sydom rěčow, mjez nimi perfektnje hornjoserbšćinu, a je nimo toho dobry znajer stawiznow južnoameriskeho kraja. Něhdźe połsta hosći wječora dožiwi we wobłuku Mjezykulturelneju tydźenjow napjate pućowanje do zdaleneho kraja. Peru ma ze swojimi 31,5 milionami wobydlerjow na trójce tak wulkim teritoriju kaž Němska nimo španišćiny 65 rěčow a 77 wšelakich etnijow.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND