Tež z konjomaj rune brózdy ćahali

štwórtk, 05. oktobera 2017
artikl hódnoćić
(0 )
Carsten Šmit při płuhu a wodźer koni Andreas Bejma wobdźělištaj so na wubědźowanju we woranju zawčerawšim w Kamjenej.  Foto: Bosćij Handrik Carsten Šmit při płuhu a wodźer koni Andreas Bejma wobdźělištaj so na wubědźowanju we woranju zawčerawšim w Kamjenej. Foto: Bosćij Handrik

Jědnaty raz su zawčerawšim w Kamjenej pola Radworja wubědźowanje we woranju přewjedli. Při tym njeńdźeše wo to, prawje spěšnje, ale po móžnosći runje a akuratnje worać.

Kamjenej (BHR/SN). Wutoru popołdnju je so w Kamjenej pola Radworja njeda­loko puća do směra na Wulku Dubrawu z ludźimi jenož tak mjerwiło. Na kromje jězdnje steješe wjele awtow. Mnozy tych něhdźe dwěsćě wopytowarjow jědnateho wubědźowanja we woranju běchu sej tež z kolesom do małeje wsy dojěli. To běchu wonkowne znamjenja nětko hižo tradicionalneho zarjadowanja na Dnju němskeje jednoty.

Mjez hosćimi njeběchu jenož woby­dlerjo Radworskeje gmejny, ale tež ze zdalenišich wsow. Wšitko za přewjedźenje wurisanja bě wot organizatorow pod nawodom Měrćina Bohota perfektnje přihotowane. Frank Lehder, moderator pozdźišeho mytowanja, hódnoćeše wobstejnosće skoro profesionalne. Tak mó­žeše so cyłkownje 13 wobdźělnikow do dźěła dać.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND