Jan Bjedrich je wjele lět wobraz Njebjelčanskeje gmejny porjeńšał
Njebjelčicy (AK/SN). Nalěćo je w Njebjelčicach na mnohich městnach widźeć. Tež na powyšenych a z witkami wobdatych hrjadkach při Bjesadźe tójšto kwětkow kćěje. „To je moje najnowše dźěło. W januaru sym z tym započał“, praji Jan Bjedrich hordźe. „Na tymle městnje wosrjedź wsy ma cyłe lěto kćěć“, měni 68lětny Njebjelčan. 18 lět bě wón w gmejnje čestnohamtsce za pućiki zamołwity. Do toho bě so we wobłuku ABM a jednoeurowych městnow wo porjeńšenje wjesnych dźělow starał.