Poskićeja tež běrny z twarohom

štwórtk, 11. apryla 2019
artikl hódnoćić
(0 )
Wot spočatka lěta wjedźe Mandy Meister z Čorneje Pumpy Blunjanski hosćenc „K załoženju“.  Foto: Martina Arlt Wot spočatka lěta wjedźe Mandy Meister z Čorneje Pumpy Blunjanski hosćenc „K załoženju“. Foto: Martina Arlt

Bluń (FAG/SN). Dohromady 36 lět nawjedowaše Klaus Jurk w Blunju swój hosćenc „K załoženju“ direktnje při zwjazkowej dróze B 156. Mjeztym je tam z 33lětnej naslědnicu Mandy Meister z Čorneje Pumpy nowa generacija zaćahnyła. Lětsa w januaru wona hosćenc přewza a wjedźe jón runja předchadnikej jako swójbne předewzaće. Byrnjež sama swójbu z třomi małymi dźěćimi měła, ­je wona přeswědčena, zo tónle nadawk z pomocu podpěry ze swójskich rjadow zmištruje. „Ja rady ludźom napřećo du a spytam k nim wutrobny poměr měć. Nochcu jich jenož posłužować, ale z nimi tež raz pobjesadować“, powěda sympatiska žona.

Wuběr jědźow je hosćencarka wot swojeho předchadnika mjenje abo bóle přewzała. Na jědźnej karće steji wjace hač 20 wšelakich jědźow z wobłuka swójbneje kuchnje. Nowosć su běrny z twarohom a wjetši wuběr solotwjow. Sobu najwoblubowaniša pak je Bärbelowa burska snědań, přetož hižo 26 lět je kuchnja w režiji 63lětneje Bärbel Hensel.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND