Jednaćel Domowiny Marko Kowar: Jubileje njedadźa so nachwatać
Budyšin (SN/mwe). Kelko zarjadowanjow je korony dla lětsa wotprajenych, po zdaću nichtó hižo tak prawje rjec njemóže. Dokelž njeje kriza dawno hišće přewinjena, zamołwići tež aktualnje zas a zaso terminy wosebje wjetšich zarjadowanjow nachwilnje wotprajeja a na klětu přesuwaja.
Je tuž wočiwidne, zo změjemy 2021 w Hornjej, srjedźnej a Delnjej Łužicy kopicu lětsa „wotprajenych serbskich eventow“. Wulke prašenje pak je, kak a štó měł terminy rjadować a koordinować, zo bychu ludźo wědźeli, što na nich čaka. Předleži hižo koncept za centralnu protyčku a chcyli sej w Budyšinje na přikład na Domowinje k tomu kłobuk na hłowu stajić? Hodźeli so scyła wšitke terminy nachwatać abo su priority?
