TSV Połčnica –

ST Radwor 1:1 (0:1)

Zestawa hosći: Ehrlich – Wjesela, Schulze, Schäfer, Wjeńka (45. Wróbl), B. Grubert, Nuk, Castejon, Paška, Glücklich (77. Omran), Wjacławk (89. M. Grubert)

Po wulkim wuspěchu před domjacej kulisu tydźenja přećiwo Kulowčanam, chcychu Radworčenjo euforiju nětko sobu wzać a dale dypkować. Ale přećiwo přećiwnikej w Połčnicy njeměło jednore być. W prěnjej hrě noweje połserije doma běchu Radworčenjo hižo lěpše mustwo. To pak so na kóncu njemytowaše.

Radwor koncentrowaše so spočatnje na zakitowanje a zwužitkowanje zmylkow. To so tež jara derje radźeše, hosćićel měješe lědma šansy. Na Radworskej stronje pak z móžnosćemi tež runjewon derje njewupadaše. W 35. min. pospyta so Daniel Nuk raz z druheho rynka. Wutřěl bu wotfalšowany a trjechi łatu. Najspěšnišo reagowaše Marvin Paška, kotryž potom 1:0 za hosći trjechi. Po tym spytachu hrajerjo Radworskeho zastupnistwa druhe wrota třělić, ale tole so njeporadźi. Krótko do połčasa zhubi so bul při natwarje. Při tym móhł wo zbožu rěčeć, zo Połčnica tole njewuži a tuž bul přez wrota třěli.