Jutrowna dźěłarnička z Bartšom

Choćebuz. We wobłuku wosebiteje wustajeńcy „Ja()jo wiźim“ wuhotuje Choćebuski Serbski muzej jutře, sobotu, a zajutřišim dźěłarničku z Hubertom Bartšom. Stajnje wot 14 do 17 hodź. změja wopytowarjo składnosć, jemu „při wozdebjenju jutrownych jejkow přez ramjo hladać móc“ a so – so wě – po mjenowanej přehladce z jeho eksponatami rozhladować. Zastup na dorosćeneho płaći 2,50 resp. potuńšeny 1,50 eurow; młodostnym spřistupnjeja zarjadowanje za 75 centow a dźěćom zadarmo.

Dźeń žonow pola Krabata

Čorny Chołmc. Pod hesłom „Frauentag – dźeń žonow“ čaka jutře, sobotu, a zajutřišim, stajnje wot 15 do 18.30 hodź. „pisany program mjez druhim ze skupinu ‚Oberländer Freudenspender‘ inkluziwnje napojow a přikuskow kaž tež małeje překwapjenki“ na wopytowarki Čornochołmčanskeho Krabatoweho młyna. Krótkodobne přizjewjenja su telefonisce pod čo. 03572 295 113 3 móžne, popłatk wučinja 39,90 eurow.

Ekskluziwnej wodźeni