Čitataj ze zběrki „Prěni raz“

Wotrow. Ludowe nakładnistwo Domowina a Wotrowska młodźina přeprošatej dźensa, pjatk, na čitanje w starej Wotrowskej šuli. W 19.15 hodź. předstajitaj Sylwija Šěnowa a Pětr Dźisławk swojej w antologiji „Prěni raz“ wozjewjenej krótkopowědančce. Za knižnym blidom LND změja zajimcy składnosć, sej mjenowanu zběrku abo dalše, předewšěm młodźinske knihi kupić. Zastup je darmotny.

Zahaja rjad komornych koncertow

Budyšin. Renoměrowany Scharwenka Quartett zahaji dźensa, pjatk, na žurli Serbskeho muzeja lětuši rjad Budyskich komornych koncertow. W 19.30 hodź. zahraja hudźbnicy kompozicije Jana Pawoła Nagela, Josefa Suka a – składnostnje lětušich 200. narodnin čěskeho mištra – Bjedricha Smetany. Zastup při wječornej kasy płaći 18 resp. potuńšeny 15 eurow. Hač do 7. decembra slěduje pjeć dalšich koncertow, mjez nimi prěni raz tež we wobłuku Kulturneje zahrody Serbskeho ludoweho ansambla pod hołym njebjom. Z hosćom budu na přikład duwo The Twiolins kaž tež skupinje Paranormal String Quartett a Tango Misterio.

„Najbóle krass“ poetry slam