W šulskim muzeju w Stróži wobšěrne ponowjenje zakónčili

Stróža (UM/SN). Wótře prasnje dołhi drjewjany kij na wučerske blido. „Chribjet runy!“, namołwja wučerka. Woči šulerjow hladaja połne stróželow na nju a widźa – posměwk w jeje mjezwoču. „Tehdy je so wučba hinak wotměwała, hač wy to dźensa znajeće“, praji Marlies Konecht, sobudźěłaćerka Serbskeho ­domizniskeho towarstwa „Radiška“. W šulskim muzeju w Stróži demonstruje šulerjam na žiwe wašnje, kak je w šuli něhdy było.