Wojerecy (KD/SN). Wot lěta 2021 sem sposrědkuje Medijowa syć Łužica w regionje Wojerecy–Niska–Běła Woda do­rosćenym wědu nastupajo wěste a kri­tiske wužiwanje analognych kaž tež di­gitalnych informaciskich kanalow. Dźeń a wjace towarstwow kaž tež zjawnych ­zarjadnišćow – mjez nimi tež Domowina a Załožba za serbski lud – so za tutymi kubłanskimi poskitkami naprašuje. Tohodla je Sakski krajny medijowy wustaw (SLM) wobzamknył, zo spěchowanje ­dohromady 15 tajkich iniciatiwow hač do lěta 2027 podlěši. To rozprawja Dirk Lienig, sobudźěłaćer we Wojerowskej Kulturnej fabrice (Kufa). Zhromadnje z Kristinu Eubling organizuje wón Medijowu syć Łužica.