Derje wojowali, ale njeje so zešlachćiło
JTVG Koblicy – Viktoria Worklecy 3:1 (25:20, 20:25, 25:15, 25:19)
Za Viktoriju Worklecy zasadźeni: Anita Bierbaum, Marina Köhler, Stefanie Köhler, Christin Opicec, Jennifer Otto, Constance Pötschke, Tadeja Šefrec, Anja Šmidtowa, Kathrin Spiesec; trenarjej: Daniela Kralec a Stephan Mühl
Prěnja sadźba bě jara wurunana. Wobě mustwje dypkowaštej přez połožene bule. Tež jednotliwe wuspěšne bloki wjedźechu k wjerćenju taflički na woběmaj stronomaj. Přez njejasnosće w přiwzaću běchu Worklečanki nuzowane, při dypkowym stawje 7:10 wo timeout prosyć. To přinjese Kobličanki z rytmusa a hosćom poradźi so, předskok na 11:12 skrótšić. W dalšim přeběhu hry pokazachu so nahladne nadběhi a wuchowanske akcije. Přiwšěm pak wobchowachu sej hosćićelki dale rytmus a wutwarichu předskok znowa wo tři dypki. Druha třećina prěnjeje sadźby bě mocyměrjenje na jenakim niwowje. Worklečankam poradźi so, sej jednotliwe dypki přez sylne naběhi zdobyć, njezamóchu pak za wokomik so ze zastatka wuswobodźić. To nuzowa jich při dypkowym stawje 18:22 wo dalše přetorhnjenje prosyć. Naposledk pak mějachu prěnju sadźbu 20:25 na Kobličanki wotedać.
Moderny přistup
Vatikan (B/SN). Hač do 60 000 wopytowarjow ma romska katedrala swjateho Pětra wob dźeń. Přez wosebity KI-projekt je nětko najnowša interaktiwna web-strona w interneće přistupna. Z pomocu 400 000 fotow móža sej zajimcy w italskej, jendźelskej, španiskej a francoskej rěči baziliku wobhladać.
Sensacionelna awkcija
New York (B/SN). Najstarša kamjentna tafla, 52 kilogramow ćežka a 60 centimetrow wysoka, z dźesać Božimi kaznjemi w hebrejšćinje budźe 18. decembra w awkciskim domje Sotheby´s w New Yorku přesadźowana. Jenički dospołnje zdźeržany 1 500 lět stary eksemplar ma hódnotu něhdźe 1,9 milionow eurow. W lěće 1913 běchu ju twarscy dźěłaćerjo w Israelu do chódnika połožili, doniž wědomostnik jeje hódnotu njespózna a ju njekupi. W teksće faluje jeničce Boža kaznja „Njewonječesćuj Bože mjeno“.
Rjemjeslnicy swět porjeńšeja
Energija zaso na čole tabulki
Viktoria Köln –
FC Energija Choćebuz 0:1 (0:1)
Zestawa FC Energije Choćebuz: Bethke – Rorig, Kusić (87. Campulka), Slamar, Bretschneider, Pelivan, Ciğerci (78. Juckel), Möker, Copado (78. Hofmann), Thiele, Proničew (64. Krauß)
wrota: 0:1 Proničew (44.)
Pjatk wječor je so FCE z wuspěchom 1:0 bjez přećiwnych wrotow na čoło tabulki 3. ligi wróćiła.
W prěnim połčasu měještej cyłkaj šansy, kotrež wostaštej bjez wuspěcha. Proničew wuži krótko do přestawki zmylk Kölnskeho wrotarja, zo by za swój team nawjedowanje docpěł.
Po znowazahwizdanju dominowaše Energija ze znatym pressingom a wulkotnymi kombinacijemi. Tola dalše wrota žane njeběchu. Tuž zakitowachu hosćo staw wuspěšnje. Na kóncu zapisa sej FCE wosme sezonowe dobyće do protokola. Tute je sej z woporniwym defensiwnym dźěłom bjezdwěla zasłužiła. Georg Zielonkowski
Po třećim hrajnym dnju je druhe wolejbulowe mustwo holcow Viktorije ...
Widźał, słyšał, napisał (25.11.24)
Awtor dźensa
Halena Jancyna
Sport (22.11.24)
Wolejbulistki hraja doma
Wolejbulisća z Pančic-Kukowa hraja dźensa wječor w Słónkecach (Schlungwitz) přećiwo hosćićelej z Hnašec-Dobruše a dalšemu hóstnemu cyłkej z Wjazońcy. Dotal njeporažene Worklečanki změja jutře swój prěni domjacy hrajny dźeń přećiwo tabulkowymaj susodomaj ze Šumbacha a Zhorjelca.
22.11. 18:30 ST Hnašecy-Dobruša –
ST Marijina hwězda (m)
22.11. 18:30 ST Marijina hwězda –
Sokolnik Wjazońca (m)
23.11. 10:00 Viktoria Worklecy II –
Šumbachski VV (ž)
23.11. 10:00 Viktoria Worklecy II –
CVJM Zhorjelc II (ž)
30.11. 10:00 Nysa Wolejs –
Viktoria Worklecy II (ž)
30.11. 14:00 Viktoria Worklecy –
Póst Drježdźany (m)
30.11. 14:00 Viktoria Worklecy –
Motor Mickten (m)
Běh wokoło Brusnika
28. běh wokoło Brusnika (Braunsteich) přewjedźe so jutře, 23. nowembra. Wšitkich 400 městnow je wuknihowanych.
W Delanach witaja načolnika
Prěnje koparske mustwo Sokoła Ralbicy/Hórki wočakuje na Delanskej kermuši njedźelu načolnika z Němskich Pazlic. Sokoljo, kiž su naposledk dwójce 0:0 hrali, chcedźa před domjacym publikumom skónčnje zaso połnje dypkować. W samsnym času hraja tež Chróšćenjo, Pančičenjo a Njebjelčenjo doma.
23.11. 11:00 Rakečanske ST II –
SJ Chrósćicy II
Wjele dźěła, mało wunoška
HZ Wóslink/Skaskow/Kulow II – SJ Njebjelčicy 2:1 (2:0)
Zestawa hosći: D. Weclich – Schulze, Reineke A. (76. Hahn), Hanuza, F. Hrjehor (57. R. Weclich), Rudolf, Čornak, Lehmann, F. Domš, Plaettner, O. Domš
Hnydom po zahwizdanju hosćo hru kontrolowachu. Přeco zaso předrěchu so strašnje k wrotam, zwrěšćichu pak při zakónčenju nadběhow. Hosćićeljo wobmjezowachu so na to, dołhe bule na swojich spěšnych ofensiwnych ludźi hrać. Běchu pak jenož zrědka strašni za Njebjelčanow.
Po 14 mjeńšinach zestupnik přiwšěm nawjedowaše. Po róžku stejachu škitarjo hosći přešpatnje. Pjaca tutu šansu wuži a suny bul do saka 1:0 (14.). SJ Njebjelčicy wustupowaše dale dominantnje a bul jenož zrědka woteda, tola wunoška z toho njeměješe. Bul nochcyše prosće přez wrotowu liniju. Za to hosćićeljo hišće raz juskachu. Poprawom njestrašny dołhi bul Plaettner wotběža. Bohužel pak komunikacija z wrotarjom Weclichom njefungowaše. Po hesle „wzmi ty – ja mam“ přewostajichu bul Wóslinčanskemu nadběhowarjej, kotryž docpě nawjedowanje 2:0 (40.).
Njetrjebawša wonkowna poražka
ST Porchow – ST Marijina hwězda 2:0 (1:0)
Zestawa hosći: Czapik (46. Bayer) – Wróbl, R. Cyž, K. Pakoßnick, Ladewig, F. Bulank, Fe. Langer (82. Fa. Langer), Eldor, Clausen, Kreuz (35. D. Jurš), Kurink
Łamk po dwaceći mjeńšinach
ST 1922 Radwor – Módro-běli Minakał 0:3 (0:3)
Za Radworske mustwo zasadźeni: Matik – B. Grubert (86. Krječmar), M. Dźisławk, Měrčink, M. Grubert(76. L. Pěčak), Wjacławk (46. C. Dźisławk), Hetaš (46. Mitška), Šnajder (68. Wjesela), Adam, Wróbl, Paška
Třeća hra bjez dobyća
ST Horni kraj Sprjewja – Sokoł Ralbicy/Hórki 2:1 (0:1)
Za Ralbicy zasadźeni: Schöne – B. Heidorn, Wałda, Rachela, Bejmak (72. Hicka), Mjechela (46. Rawš, 64. L. Heidorn), Šewc, Gloxyn, Mikławšk, Schultz, Šiman (23. Woko)
Po njerozsudnymaj hromaj bjez wrotow chcychu Sokoljo w Hornim kraju zaso połnje dypkować. Přećiwnik, kotryž wobsadźi loni hišće druhe městno, běše do hry na předposlednim. Tak sebi Ralbičenjo dobru šansu wuličichu.
Po hižo dwěmaj mjeńšinomaj ležeše tež bul w saku. Po wólnym kopje Dennyja Gloxyna zhłójčkowa Křesćan Bejmak hrajny nastroj do klětki. Pobóčny sudnik pak zběhny chorhojčku a rozsudźi na nimohru. Po pjeć mjeńšinach pak dyrbješe Willy Schöne zady so přimnyć. Hybner móžeše bul 50 metrow přez hrajnišćo ćěrić a tykny bul rjenje do haski, hdźež Nowak bul pódla Schöneho do wrotow suny. Wot tutoho dyra so Ralbičenjo w prěnim połčasu tež njezhrabachu. Prawa wola a poslednja žadosć njeběchu spóznać a tak hrajachu Sokoljo najšpatnišu hru sezony hač dotal.
