HZ Łaz/Běły Chołmc –
SJ Chrósćicy 1:2 (1:0)
Zestawa hosći: Škoda – Graf, Zynda, F. Cyž, B. Cyž, G. Zahrodnik, Rätze (46. L. Zahrodnik), Bogusz (62. Matik), Handrik (73. Wornar), Hawš, Mark (82. Młynk)
Minjenu sobotu hrajachu Chróšćenjo na trawniku we Łazu. Jasny zaměr rěkaše, sej tam dobyće wuwojować, wšako mějachu Běłochołmčenjo hač dotal jeno tři dypki.
Hosćo z Chrósćic hru wot spočatka sem dominowachu a sej zdobom prěnje dobre móžnosće na wrota wuhrachu. Wosebje přihrawki Gabriela Zahrodnika běchu přeco zaso strašne za hosćićelow. Runje w tutej dobrej fazy hry pak pokaza sudnik po foulu Chróšćanskeho zakitowarja w šěsnatce na dypk. Phillipp Witschas nastupi za třěl jědnatki a bul bjez problemow do saka suny. Chróšćenjo njedachu so wot zastatka wottrašić a spytachu dypkowy staw zaso wurunać. Mjez druhim mějachu za to dźakowano Zahrodnikej a Janej Boguszej dobre móžnosće, naposledk pak tu poslednje centimetry k wrotam pobrachowachu. Najebać dobreho ofensiwneho hrajneho stila so woni tak ze zastatkom do předrasćernje podachu.
