ST 1922 Radwor –
ST Lubuš 0:2 (0:1)
Zestawa domjacych: Šěrak – B. Grubert (67. Wróbl), M. Grubert, M. Dźisławk, Wjeńka, Adam (32. Wjacławk), Schöne (81. Krječmar), Hetaš (64. Glücklich), Paška, Wencel, C. Dźisławk
Na druhim hrajnym dnju druheje połserije wokrjesneje ligi běchu Lubušenjo z hosćom w Radworju. W Lubušu Radworčenjo 1:2 podležachu. Tuž chcychu doma dobyć.
W prěnich mjeńšinach běchu hosćićeljo definitiwnje lěpše mustwo. Stajnje wukonjachu ćišć na přećiwnika. Tola najebać wšitkich prócowanjow dobre šansy njenastachu. Přećiwnik konsekwentnje zakitowaše a spytaše z dołhimi třělwami wrota docpěć. Radworski škit pak wšo derje zakitowaše. Na kóncu prěnjeho połčasa zhubi domjacy cyłk swoju nitku. W 39. min. zhubi so w Radworskich rjadach bul, štož zawinowaše spěšny konter. Přećiwniski nadběhowar trjechi ze zdalenosće 20 metrow bul k 1:0.
