Wotrow (jwo/SN). 16 młodostnych zetka so sobotu popołdnju we Wotrowskim młodźinskim klubje, mjez nimi zastu­pjerjo Njebjelčanskeho, Serbskopazličan­skeho kaž tež Radworskeho młodźin­ske­ho kluba. Tež studenća z Lipska a čłonojo Zwjazka serbskich studowacych běchu­ přijěli, zo bychu sej zhromadnje terminy za lěto 2019 wotrěčeli. Na zhromadźiznu přeprosyło bě Serbske młodźinske towarstwo Pawk. Wosebje za młodźinske kluby je dlěšodobne planowanje wažne, wšako chcedźa dwojenju terminow zadźěwać.