Wulki zajim na serbšćinje w digitalnym swěće

wutora, 05. februara 2019
artikl hódnoćić
(0 )
Popołdnjo Serbskeho ewangelskeho towarstwa a Hodźijskeje Bjesady přiwabi něhdźe 40 zajimcow do tamnišeje stareje šule. Mjez druhim spěwachu přitomni zhromadnje spěwy a wobhladachu sej dźiwadłowu hru.  Foto: Robert Lorenc Popołdnjo Serbskeho ewangelskeho towarstwa a Hodźijskeje Bjesady přiwabi něhdźe 40 zajimcow do tamnišeje stareje šule. Mjez druhim spěwachu přitomni zhromadnje spěwy a wobhladachu sej dźiwadłowu hru. Foto: Robert Lorenc

Hodźij (RLc/SN). Serbske ewangelske towarstwo a Hodźijska Bjesada stej minjenu sobotu wosebite popołdnjo wuhotowałoj. Něhdźe 40 ewangelskich Serbow z cyłeho hornjoserbskeho sydlenskeho ruma je přeprošenje sćěhowało.

W starej Hodźijskej šuli swjećachu přitom­ni zhromadnje ze superinten­dentom Janom Malinkom nutrnosć. We wobłuku slědowaceje swačiny spěwachu wšitcy zhromadnje při šalce kofeja a skibce tykanca serbske spěwy. Na to wobhonichu so wobdźělnicy w dźěłarničce wo móžnosćach nawuknyć w in­terneće serbšćinu. Referent bě direktor Załožby za serbski lud Jan Budar. Ćežišćo bě projekt „Serbsce DIGITALNJE krok po kro­ku wuknyć – prawopis a gra­matika“, kotryž bě Rěčny centrum Witaj z pomocu Serbskeho instituta a z pod­pěru załožby loni online spřistupnił. Nimo toho­ rozłoži Budar nadawki swojeje institucije a kak wona dźěła.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND