Zajimawe dohlady podali

štwórtk, 04. apryla 2019
artikl hódnoćić
(0 )
Benjamin Greger ze Smječkec, Damian Dyrlich ze Zwjazka serbskich studowacych – župa „Jan Skala“, Jan Brězan ze Smječkec,  Feliks Winar a Jakub Wowčer z Radworja, Marian Budar ze Smječkec, Katja Hrjehorjec z delnich Sulšec kaž tež Ławrjenc Handrik ze Serbskich Pazlic (wot horjeka nalěwo) su na pozbudźace wašnje wo młodźinskim dźěle rozprawjeli. SN/Maćij Bulank Benjamin Greger ze Smječkec, Damian Dyrlich ze Zwjazka serbskich studowacych – župa „Jan Skala“, Jan Brězan ze Smječkec, Feliks Winar a Jakub Wowčer z Radworja, Marian Budar ze Smječkec, Katja Hrjehorjec z delnich Sulšec kaž tež Ławrjenc Handrik ze Serbskich Pazlic (wot horjeka nalěwo) su na pozbudźace wašnje wo młodźinskim dźěle rozprawjeli. SN/Maćij Bulank

„sMY aktiwni – serbske młodźinske cyłki rěča“ – Pod tymle hesłom je so młodźinske hibanje Hornjeje Łužicy na hłownej zhromadźiznje po wobjedowej přestawce předstajiło. Delegaća nje­zhonichu jenož wo skutkowanju wjesnych młodźinskich klubow a towarstwow, ale tež wo tym, zo je městno młodźinskeho koordinatora w Domowinskim zarjedźe nuznje trěbne.

To běchu zajimawe dohlady do skutkowanja serbskich młodostnych. Hač we wobłuku skawtstwa, w młodźinskich klubach abo mjez serbskimi studentami w Drježdźanach a Lipsku. Katja Hrjehorjec z delnich Sulšec je delegatam rozkładła, što skawća činja. Pola nich na přikład wuknješ, „kak maš so w přirodźe zadźeržeć“. Młodostna je wobžarowała, zo bě jich poslednje lěhwo hižo w lěće 2010. Dožiwjenje bě jej pućowanje skawtow lěta 2015 do Danskeje. Wona wupraji dwě přeći, zaso serbske lěhwo wotměć a zo „so prawje wjele młodych Serbow za dyrdomdej skawtstwa zajimuje“.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND