Wjele wjace ludźi hač zašłe lěta na rostlinskej bursy

wutora, 07. meje 2019
artikl hódnoćić
(0 )
Tójšto zajimcow je sej lětsa 1. meje na wuměnu rostlin towarstwa Kamjenjak do Miłočanskeje  skały dojěło.  Foto: Maria Untchowa Tójšto zajimcow je sej lětsa 1. meje na wuměnu rostlin towarstwa Kamjenjak do Miłočanskeje skały dojěło. Foto: Maria Untchowa

Miłoćicy (SN/MaU). Na wšě 150 poskićerjow rostlin a wopytowarjow, Serbow a Němcow, poda so na lětušim mejskim swjatku do Miłočanskeje skały ke Krabatowemu kamjenjej. Jich zaměr běše zhonić, kak z pomocu permakultury dobre wunoški při plahowanju w swójskej zahrodźe docpěješ. Thomas Noack, fachowc na tym polu, kiž bě zhromadnje z dalšimi čłonami wuměłstwoweho a kulturneho towarstwa Kamjenjak poskitk přihotował, wjedźeše skupiny ludźi po skale, hdźež rozłoži jim wysoke hrjadki, kotrež běchu mjez druhim čłonojo Kamjenjaka na ležownosći sobu wutworili kaž tež hórsku hrjadku, zelowu hórku, hatny biotop a nastawacu lěsnu zahrodu. Wosebity zajim zbudźi nadměru wulki kotoł, kotryž słuži produkciji tak mjenowaneje terra preta, pódy, kotraž nastawa mjez druhim ze wšitkich wot čłowjeka zawostajenych biologiskich wotpadkow.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND