Na hłownej zhromadźiznje předsydstwo wolili a nowe ideje zrodźili

Budyšin (SN/mb). Dr. Anja Pohončowa bu na hłownej zhromadźiznje Maćicy Serbskeje (MS), kotraž je so sobotu na žurli Serbskeho muzeja wotměła, za dalše štyri lěta jako předsydka wobkrućena. Do předsydstwa najstaršeho serbskeho towarstwa słušeja dr. Ines Kellerowa, Janka Pěčkojc de Lévano, dr. Robert Lorenc, dr. Cordula Ratajczakowa, prof. Dietrich Šołta a dr. Pětš Šurman. Zdobom dźakowachu so dr. Annett Brězanec a Alexandrej Pólkej, kotrajž hižo njekandidowaštaj, za jeju dźěło. Nowaj čłonaj MS staj Pětr Dźisławk a dr. dr. Betina Kaunowa. Skupina „Quo vadis, Maćica?“ ma namjety za nowe wusměrjenje MS wudźěłać.