Před 88 lětami buchu Židźa na Žitnych wikach zjawnje hanjeni
Budyšin (SN/MG). 113 prózdnych stólcow na Žitnych wikach bě wčera, póndźelu, skutkowne znamjo za Židowki a Židow, kiž su za čas nacionalsocialistiskeje diktatury město nad Sprjewju wopušćić dyrbjeli. Na kóždy ze stólcow běchu organizatorojo wopominanskeho zarjadowanja wobrazowy ramik stajili. W nim bě na cedli mjeno čłowjeka napisane, kotrehož biografija bě so w času wot 1933 do 1945 raznje změniła. Napodobnjejo židowski swěčnik menoru běchu stólcy w sydom skupinach zestajene. Na dźeń před 88 lětami, potajkim 9. nowembra 1938, běchu so po cyłej Němskej synagogi palili a mob ludźi bě wobchody Židow zničił. W Budyšinje běchu Židowki a Židow 10. nowembra zjawnje na Žitnych wikach hanili. Zamołwitemu zwjazkej TVBunt, kotryž je wčerawše zarjadowanje pod hesłom „Před wočimi wšěch.“ organizował, bě tuž jara wažne, zo wotměje so spomnjeće na městnje tehdyšeho hanjenja.
W Melbournje w Awstralskej je njedawno jendźelskorěčna knižka wo wupućowanju Serbow z Hornjeje Łužicy do Awstralskeje a do Texasa w 19. lětstotku wušła. Wot Trudle Malinkoweje napisany spis je serbske towarstwo Wendish Heritage Society Australia (WHSA) wudało.Brošura w formaće A5 ma atraktiwny layout a je z tójšto wobrazami wuhotowana. Pokazki na dale wjeducu literaturu zmóžnja zajimcam, so nadrobnišo z tematiku zaběrać. Publikacija je składnostnje lětušeje 40. róčnicy załoženja WHSA wušła.
Při nadběhu hosći z Horow steješe přećiwniski nadběhowar jasnje w nimohrě. Prěnje koparske mustwo Sportoweje jednotki Chrósćicy je po dołhim času zaso raz winowatostnu hru přěhrało, a to 0:4 doma w Chrósćicach přećiwo cyłkej z Horow. Z tym so jich dotalna wuspěšna serija dobyćow zakónči. Foto: Konstantin Hrjehor
Předsydstwo CDU je wčera prezidentku Bayerskeho krajneho sejma Ilse Aigner (CSU) na namjet zwjazkoweho kanclera a šefa strony Friedricha Merza (wotlěwa) jako kandidatku za zastojnstwo zwjazkoweje prezidentki nominowało. Wuhlady, zo ju Zwjazkowa zhromadźizna jako prěnju žonu do najwyšeho statneho zastojnstwa woli, su dobre. Foto: dpa/Kay Nietfeld
Zdypkom w 11.11 hodź. su njedźelu při mjezynarodnym rańšim piwje w Kulowje nowu póstnisku sezonu zahajili – to je mjeztym hižo 321. Něhdźe 700 muži je so na tradicionalnym zazběhu w sportowni Kulowskeje šule wobdźěliło. Mjez nimi bě znowa tójšto Serbow. Žony pak sy tam lědma wuhladał. Foto: Stefan Šmit
Róža Domašcyna bu njedźelu jako prěnja Serbowka z Drježdźanskim mytom za lyriku wuznamjenjena. Kak je k tomu dóšło, wujasnja čłonka jury a čěskeho Towarstwa přećelow Serbow (SPL) Alžběta Stančáková. Z njej je so Lukáš Novosad rozmołwjał.Kajke bě jednanje jury wo dobyćerjach? Bě dobyće Róže Domašcyneje a Čecha Elsa Aida na kóncu jednozmyslne?Njeby fairne było, nadrobnosće našeho nócneho jednanja wozjewić. Móžu jenož přeradźić, zo smy w Domje Ericha Kästnera hišće po połnocy diskutowali a zo bě to wužadowace. Hižo to rěka, zo su wjacore warianty na blidźe leželi.Lětsa su wšitcy finalisća wysoku kwalitu poskićili. Što bě naposledk rozsudne?Za mnje wosobinsce je Róža pod wjacorymi aspektami zajimawa. Wona je sprawna, wotewrjena, skromna ... W jeje tekstach žanu wobličiwosć njenamakaš. Wona riskěruje, dźe na kromu nakósneje runiny, štož so mi jara lubi. Wona njepisa basnje tak, kaž maja wupadać, ale pisa z wosebitosću, z kotrejž je tež čita.Bě za waš rozsud wažne, zo je wona Serbowka a zo s ...
