W Lipsku předstaji so pjeć knižnych producentow z Hornjeje Łužicy
Budyšin (SN/CoR). Z překwapjenku zahajichu dźens dopołdnja tradicionalnu, mjeztym 14. zhromadnu nowinarsku konferencu hornjołužiskich nakładnistwow a Němsko-Serbskeho ludoweho dźiwadła do Lipšćanskich knižnych wikow, kotrež wotměja so wot 23. do 26. měrca. Dotalnym štyrjom tudyšim nakładnistwam je so pjate přidružiło: Neissuferverlag Natascha Sturm ze Zhorjelca, załoženy lěta 2015. W Lipsku předstaji Natascha Sturm prěnju knihu „Taty und Paul – die fantastischen Abenteuer einer Elfe“, kotruž je sama spisała a Zhorjelska grafikarka Juliane Wedlich ilustrowała. Tež přichodnje chce so nakładnica a awtorka dźěćacym kniham wěnować. Přichodny projekt je za lěćo planowany.
