Comicsy a kostimy w Kamjencu

Kamjenc. „CoMaCon“ rěka „comic & manga convention“ mjenowane zarjadowanje, kotrež čaka zajutřišim, njedźelu, na fanow klasiskeho cartoona runje tak kaž na přećelow žanra manga. Wot 11 hodź. změja w Kamjenskej měšćanskej bibliotece G. E. Lessinga składnosć, za zešiwkami a knihami kramosćić, čitanjam a přednoškam připosłuchać abo sej „Transformers walking act show“ wobhladać. Nimo toho wotměje so, kaž je to na tajkichle wikach z wašnjom, wubědźowanje wo najrjeńši kostim. Zastup płaći 5 eurow, dźěćom młódšim hač dźesać lět a wšitkim „dospołnje kostimowanymi“ spřistupnja event zdarma.

Předstaja nowostku Kocha