Budyšin (SN/bn). „Što rěka tu mjeńšina?“ rěka pućowanska wustajeńca, kotraž bu předwčerawšim w Budyskim Serbskim muzeju wotewrjena. Direktorka domu Christina Boguszowa powita něhdźe 50 zajimcow, wuzběhujo wosebje Judit Šołćinu, kotraž bě přehladku jako něhdyša nawodnica Mjeńšinoweho sekretariata organizowała, a kuratora dr. Roberta Lorenca. „Prěni raz předstaja so štyri awtochtone mjeńšiny a ludowe skupiny Němskeje kaž tež rěčnicy delnjoněmčiny ze zhromadnej wustajeńcu. Přehladka jich z wšelakorych perspektiwow wobswětluje a přeproša k diskursej, kajkiž je hladajo na wulku njewědu mjez wjetšinu trěbniši hač hdy prjedy“, Boguszowa zjima. Předsyda Domowiny Dawid Statnik doda, zo ma přehladka „informować, prezentować a předewšěm wědu posrědkować“. Franziska Brechowa ze Sakskeho statneho ministerstwa za wědomosć, kulturu a turizm podšmórny, zo je Sakskej přewšo wažne, „to wosebite wosebje škitać a wobstajne dalewuwiće serbskeje rěče a kultury zaručować.“ Ingwer­ Nommensen z Friziskeje rady wu­zběhny: „Mjeńšiny so rady mjez sobu wopodstatnjeja.