Awtorka dźensa Halena Jancyna

Njedźelu wuhotowa Drježdźanske wubědźowanske towarstwo 1890 z.t. (Dresdener Rennver­ein 1890 e.V. ) swoje štwórte konjace galopowe wubědźowanje sezony 2023. Na tutym steješe sydom pruwowanjow na programje. Wjedrowe wuhlady běchu wšo druhe hač róžojte, přiwšěm mějachu tam na štwórtym wubědźowanskim dnju enormny přihladowarski wothłós. Tež ja dojědźech sej ze swójbnymi do Drježdźan. Prěnje pjeć pruwowanjow dnja su so přez francoskeho poskićowarja wjetow PMU do sta wjetowych wobchodow w našim susodnym kraju přenjesli, čehoždla so pruwowanja hižo prjedy hač zwučene započachu.

Awtor dźensa Clemens Šmit

Chceš-li sej zaso raz wuwědomić, kelko w našim swěće takle wšo křiwje běži, wudani so tele dny wosebje do swěta kopańcy pohladać. Tak zhoniš, zo w Saudi-Arabskej runje w dimensijach z pjenjezami wokoło so mjetaja, kotrež móžeš lědma wopřimnyć. Europskich topkoparjow dosćehnje tak jedyn njemoraliski poskitk po druhim. Cil: Telko koparskeje prominency kaž móžno do pusćiny wabić.

Widźał, słyšał, napisał (24.07.23)

Montag, 24. Juli 2023 geschrieben von:

Awtor dźensa

Jurij Bjeńš

Widźał, słyšał, napisał (17.07.23)

Montag, 17. Juli 2023 geschrieben von:
Awtor dźensa Křesćan Korjeńk

,,Što radosć rjeńšu dawa....“, hač měć prózdniny, dowol abo swobodne a směć činić, štož wjeselo čini. Haj, smy wosrjedź lěćnych prózdnin a tež sportowcy maja nimale wšitcy swój dowol abo přihotuja so hižo na nowu sezonu. Ći, kotřiž maja tróšku wjace fenki sebi přihot we wukraju popřeja, ći tamni wostanu doma abo znajmjeńša w bliskosći. Hłowna tema w kopańcy su tuchwilu jednanja, štó budźe w přichodźe w kotrym mustwje hrać, kelko budźe zasłužić a to najwažniše – kelko maš za noweho hrajerja płaćić abo kelko za předateho, snano tež jenož wupožčeneho, hrajerja dóstanješ. A to ći takle ličby wokoło wuši lětaja, wo statysacach eurow lědma hišće něchtó rěči, dźensa dźe jenož hišće wo miliony. A tam njeje žana hranica wjace data ... Koparjo su twora, z kotrejž so wikuje a dru­hdy maš zaćišć, zo so pomału wid na normalne pozhubi. W awgusće smy mudriši a dajmy so překwapić, w kotrym trikoće toho jednoho abo tamneho potom wuhladamy.

Awtor dźensa Michał Nuk

Měsac julij steji w znamjenju kolesowanja. Před 120 lětami, w juliju 1903, přewjedźe so prěni raz w Francoskej „najwjetše kolesowarske wužadanje swěta“. Tak připowědźi to nowina L’Auto, wudawana wot Henrija Desgrange. Dźensa je so jeho Tour de France wuwiła ke, kaž Wikipedija praji, třećemu najwjetšemu sportowemu zarjadowanju na swěće. Wažnej přičinje drje stej, zo je to sprěnja jedne z mało wubědźowanjow, kotrež je za přihladowarjow zadarmo. A fanojo přińdu sportowcam při čarje tak blisko kaž nihdźe druhdźe. Sam smědźach jónkrótnu atmosferu 2017 při starće w Düsseldorfje w prěnim rynku dožiwić. Zdruha je Tour de France w běhu lětdźesatkow tójšto dramow a skandalow produkowała, kotrež zaběrachu cyły swět. Bohužel skutkuje w Němskej hač do dźensnišeho stawizna wěsteho Jana Ullricha, kiž je najprjedy do kolesowarskich njebjes spěł a potom hłuboko do kolektiwneje njehnady padnył. Swój dopingowy image njeje kolesowanje w Němskej z toho časa přeco hišće dospołnje wotbył.

Widźał, słyšał, napisał (03.07.23)

Montag, 03. Juli 2023 geschrieben von:

Awtor dźensa

Tadej Cyž

Wulki jubilej woswjeći kónc tydźenja Sokoł Ralbicy/Hórki. Tamniše sportowe towarstwo wobsteji nětko hižo 100 lět. Wužadanja za sportowe jednotki budu w přichodźe mjenujcy dale wulke a wobšěrne. Čim wažniše je a budźe čestnohamtske dźěło. Jubilejny swjedźeń a program w Ralbicach bě tuž dopokaz za dobre zhromadne dźěło w tamnišim towarstwje. Dale tak!

Jedyn z programowych dypkow bě hra mjez młodźinu D Sokoła a serbskej koparskej wubranku młodźiny D. Pjatk popoł­dnju dožiwichu přihladowarjo spěšnu a wotměnjacu hru w, kotrejž so chowancy Reneja Zyndy z 4:2 přesadźichu. Mustwo wudoby sebi w tutej hrajnej doby tež mišterstwo we wokrjesnej krajnej lize a postupi tuž do wokrjesneje wyšeje ligi. Budźe to nowe wužadanje za serbski cyłk, kotryž nastupi potom přećiwo mustwam kaž Biskopicy, Wojerecy abo Połčnica.

Widźał, słyšał, napisał (26.06.23)

Montag, 26. Juni 2023 geschrieben von:

Awtor dźensa

André Strelow

Kónc tydźenja wojowachu Ralbicy a Biskopicy w finalu wokrjesneho pokala wo titl dobyćerja. W fantastisce přihotowanym hrajnišću w Rakecach wobhladachu sej wjacore sta přihladowarjow, mjez nimi mnozy Ralbičanscy fanojo, tutu kónčnu hru. Hrajersce pak njebě to najlěpši wukon wot wobeju mustwow. Na kóždy pad měješe mustwo z Biskopic lěpši wukónc porno zwjetša słabšim Ralbičenam. Partija je so hłownje w srjedźnym polu wotměła. Přećiwnik Sokoła spyta swoju hrajersku lěpšinu wuhrać, zwjetša pak bě před šěsnatku kónc. Škit wokoło Aleksandera Wałdu a Andyja Schulza porjadnje napřemo dźeržeše. Zmylk w Ralbičanskim zadnim mustwje wjedźeše potom běrtlk hodźiny do kónca k złotym wrotam dnja. Při tym bychu Ralbicy přez Dawida Šołtu nawjedować móhli, haj dyrbjeli. Dospołnje swobodnje stejo wuwostaji wón stoprocentowu šansu, škoda. Štó wě, kak by hra po Ralbičanskim nawjedowanju wotběžała. Naspomnić dyrbitej so čerwjenej karće za Sokołow, a zo dyrbjachu bjez trenarja Tomaša Henčla wuńć.

Widźał, słyšał, napisał (19.06.23)

Montag, 19. Juni 2023 geschrieben von:

Awtor dźensa

Beno Šołta

Widźał, słyšał, napisał (12.06.23)

Montag, 12. Juni 2023 geschrieben von:

Awtor dźensa

Toni Ryćer

Widźał, słyšał, napisał (05.06.23)

Montag, 05. Juni 2023 geschrieben von:

Awtor dźensa

Tomaš Faska

Serbska debata

Neuheiten LND