Zazběh rjadu komorneje hudźby

Budyšin. Pianist Kai Schumacher zahaji jutře, sobotu, na žurli Serbskeho muzeja lětuši rjad Budyskich komornych koncertow. Nimo swójskich kompozicijow zaklinča klawěrne twórby mištrow awantgardy 20. a 21. lětstotka Phillipa Glassa, Terryja Rileyja a Stevea Reicha. Koncert započnje so w 19.30 hodź. Zastup při wječornej kasy płaći regularnje 18 eurow a 15 eurow w potuńšenju.

Wurywanki powědaja

Wojerecy. Archeologowka a nawodnica Kamjenskeho Muzeja zapadneje Łužicy Friederike Koch-Heinrichs chce pod hesłom „Wandalojo, Burgundojo & co – Germanojo we Łužicy“ srjedu, 23. měrca, na Wojerowskim hrodźe aktualny staw slědźenja wo sydlenskich stawiznach regiona zjimać. Přednošk započnje so w 17 hodź., zastup płaći pjeć eurow.

Staw a přichod strowotnistwa