Hudźbne znamjo pře wójnu

Zhorjelc. Sinfonietta Drježdźany chce jutře, sobotu, z koncertom rjadu „Beethoven | Schnittpunkte“ zhromadnje z towarstwom Meetingpoint Memory Messiaen a Drježdźanskej wysokej šulu Carl Maria von Weber „hudźbne znamjo přećiwo­ wójnje w Ukrainje sadźić“. Wot 19 hodź. předstaja w kulturnym forumje Zhorjelska synagoga wubrane kompo­zicije mištra Wienskeje klasiki kaž tež prapremjernje twórby na přikład Wasi­lija Ratmanskeho a Lucie Vítkoveje. Za Ukrainjanki a Ukrainjanow je zastup darmot­ny, regularnje płaća zajimcy při wječornej kasy 15 eurow.

Što stawa so pod jamami?

Hórnikecy. Předsyda wuchodosak­­skeho wobwoda Towaršnosće přećelow mineralogije a geologije Frank Sauer rozłoži zajimcam we wobłuku wosebiteho wodźenja po Hórnikečanskej Energijowej fabrice, čehodla tež w brunicowych jamach dźěła w podzemskich podkopkach wukonjeja. Wopytowarjo měli so za zarjadowanje njedźelu, 27. měrca, w 11 hodź. přizjewić. Knihowanje je pak tele­fonisce pod čo. 03571 6070340 pak z mejlku na móžne.

Šotiske zynki w muzeju