Lemkowa zahaji rjad rozmołwow

Wojerecy. Awtorka a režiserka Grit Lemkowa zahaji dźensa, pjatk, we Wojerowskej Kulturnej fabrice nowy rjad rozmołwow „Grit mit ...“. Z prěnim hosćom je spisowaćel Dirk Oschmann. Na zakładźe jeho bestsellera „Der Osten: eine westdeutsche Erfindung“ chcetaj dodnić, „kak so wuchod rysuje a kak tónle wobraz demokratiju wobwliwuje“. Publikum „smě rady sobu diskutować a sobu pić“. Zarjadowanje započnje so w 20 hodź., zastup při wječornej kasy płaći 15 eurow.

Wuměłski projekt w cyrkwjomaj

Dešno/Žylow. Zajutřišim, njedźelu, prezentuja w 9 hodź. we wobłuku kemšow w Dešnjanskej cyrkwi projekt „Anwesenheit – Obecność – Pśibytnosć“ wuměłče Darije Wartalskeje, kotraž je so ze serbskim keramikowym wuměłstwom zaběrała. Wot toho inspirěrowana stwori wona sudobja za liturgiske wužiwanje. Swój projekt zwoprawdźi w ramiku projekta Załožby St. Matthäus „Drogowarje mjazy swětami – Wuměłske wuzgónjowanja w pśisedleńskem kraju Bramborska“. Samsny projekt předstaja samsny dźeń w 10.30 hodź. w Žylowskej cyrkwi.

Na slědach Hermana Worcha