Wohnjostroj a weteran
Běła Woda. Sociokulturny centrum Telux w Běłej Wodźe je kónc tydźenja z hosćićelom dweju zarjadowanjow. Dźensa, pjatk, pokazaja w 20 hodź. film „Ein Feuerwerk für die Kleinstadt“. Tragikomedija je produkcija projekta Lusatia Film a bu pod nawodom Šyškec Erika a Clemensa kaž tež Sophie Riedel zwoprawdźena. Zastup płaći 6 eurow. Jutře, sobotu, prezentuje weteran sceny Konrad Kuechenmeister w 21 hodź. swój nowy album „Record“. Drježdźanski hudźbnik pěstuje měšeńcu žanrow dub, drum’n’bass a ska, kotruž wudospołnja z rytmami Balkana. Zastup płaći 10 eurow.
„Kaff & Kosmos“ hakle klětu
Wojerecy. Łužiska hala we Wojerecach informuje, zo so „wulka łužiska show“ pod hesłom „Kaff & Kosmos“ jutře, sobotu njewotměje. Nowy termin „pisaneho, cyłu kulturu města wotbłyšćowaceho zarjadowanja mjez druhim z akrobatkami SC Wojerecy, serbskimi rejowarjemi a BMX-kolesowarjemi je klětu, 5. apryla. Hižo kupjene zastupne lisćiki hodźa so na městnje narunać.
40. schadowanka
