Trójce ptači kwas SLA

Chrósćicy/Kulow. Swoju wječornu ptačokwasnu inscenaciju „Kak dźiwnje swět so wobroća“ chce Serbski ludowy ansambl přichodny kónc tydźenja hnydom trójce předstajić. Program dožiwja wopytowarjo sobotu w Chróšćanskej „Jednoće“, najprjedy w 16 hodź. a potom hišće raz w 19.30 hodź., hdyž so reje přizamknu. Dalše předstajenje budźe njedźelu, 31. januara, w Kulowskej sportowni. Wone započnje so w 19.30 hodź. Zastupne lisćiki za nje dóstanu zajimcy w SLA, pola Angeliki Kupcyneje na Kulowskim Kolpingowym naměsće 12 (tel. 035725/ 9 17 38) a při wječornej kasy.

Dialog wo zakonju

Budyšin. Na wobydlerski dialog wo nowelěrowanju šulskeho zakonja přeproša sakska kultusowa ministerka Brunhild Kurth (CDU) póndźelu, 1. februara, we 18 hodź. do Budyskeho Schilleroweho gymnazija. Wona kaž tež kubłanscy fachowcy jeje ministerstwa chcedźa měnjenja wobydlerjow a jich namjety za zakoń słyšeć. Štóž chce so na zarjadowanju wobdźělić, njech přizjewi so e-mailnje pod www.schule.sachsen.de/20837.htm. Organizatorojo duskusijineho koła nadźijeja so bohateho wobdźělenja.

Jejka debić wuknyć