Duchowny oratorij zaklinči

Chrósćicy. Po 25 lětach zaklinči zaso oratorij Korle Awgusta Kocora „Israelowa zrudoba a tróšt“, a to jutře, 6. apryla, w 19 hodź. w Chróšćanskej cyrkwi a njedźelu, 7. apryla, w 17 hodź. w Drježdźanskej Křižnej cyrkwi. Hudźbny nawod ma Judith Kubicec, orchestralnje wobdźěłał je twórbu Stefan Malzew.

Projekt „Swětło pozbudźa“

Budyšin. We wobłuku wuměłstwoweho projekta „Swětło pozbudźa“ zaklinči jutře w 17 hodź. w Budyskej Marje-Marćinej cyrkwi pasionska hudźba „Bolosćiwy róžowc“. Pasionska vesper wotměje so zajutřišim we 18 hodź. tohorunja w Marje-Marćinej cyrkwi. Hudźbny nawod změje cyrkwinski hudźbny direktor Michael Vetter z Budyšina.

Jutrowne wiki w holi

Slepo. Jutře a njedźelu su hosćo tež z Hornjeje a Delnjeje Łužicy wot 10 do 17 hodź. do Slepjanskeho Serbskeho kulturneho centruma na lětuše jutrowne wiki přeprošeni. Widźeć budu tam wšitke štyri we Łužicy nałožowane techniki jejkadebjenja. Wjeselić móža so wopytowarjo na wotměnjawy folklorny program kaž tež na pisane rjemjeslniske wiki.

Šulski muzej wotewrjeny