Projekt „Swětło pozbudźa“
Budyšin. We wobłuku projekta „Swětło pozbudźa“ wuhotuje gospelowy chór St. Petri jutře, sobotu w 17 hodź. w Budyskej Marje-Marćinej cyrkwi koncert w rjedźe Duchowna hudźba. Nawod změje Sophie Heinitz. Ewangelska Boža słužba k wopominanju zběžka w Budyskim jastwje budźe njedźelu, 31. měrca, w 10.30 hodź. w tachantskej cyrkwi. Serbskorěčny ekumeniski nyšpor na tym dnju swjeća w 17 hodź. w Michałskej cyrkwi. Samsny dźeń we 18 hodź. wotměje so w Marje-Marćinej cyrkwi pasionska vesper. Hudźbny nawod změje Budyski organist Fabian Kiupel.
Wosadne popołdnjo
Bukecy. Jutře w 14.30 hodź. su wěriwi a dalši zajimcy na wosadne popołdnjo do Bukec přeprošeni. Po witanju přez superintendenta Jana Malinka přednošuje Trudla Malinkowa na wosadnej žurli wo Serbach w Awstralskej.
Jutrowne wiki
Wojerecy. We Wojerowskej Łužiskej hali wotměja so jutře a njedźelu wot 10 do 17.30 hodź. lětuše jutrowne wiki. 20 debjerjow jutrownych jejkow chce tam wšelake techniki pokazać. Na 80 stejnišćach poskića floristiske a hornčerske wudźěłki, koše a tekstilije.
Instrumenty wupruwować
