Krystof Rummel jako 5. serbski superintendent zapokazany
Hodźij (SN/MkWj). We wobłuku swjatočneje Božeje słužby su předwčerawšim, sobotu, w Hodźiju Krystofa Rummela jako noweho serbskeho superintendenta zapokazali. 47lětny Rummel naslěduje Jana Malinka, kiž bě zastojnstwo 17 lět wukonjał. Krystof Rummel je mjeztym pjaty serbski superintendent.
W derje pjelnjenej cyrkwi Hodźijskeje wosady Pětra a Pawoła witaštaj přichwatanych wyši krajny cyrkwinski rada dr. Thilo Daniel a městopředsyda serbskeho cyrkwinskeho wosadneho zwjazka Mato Krygaŕ. Wšitcy přitomni mějachu hygieniske prawidła dodźeržeć.
